PAS REGJISTRIMIT
Lëshimi i faturave
Ju dërgoni një mesazh. Ne lëshojmë faturën për ju.
Shikoni shërbimin ↗HAPJA E BIZNESIT
Hapni biznesin tuaj në Shqipëri.
Fillimisht ndërtojmë strukturën dhe planin e hapjes së biznesit tuaj. Përgatisim dokumentet dhe ndjekim hapat e regjistrimit, llogaritë bankare, programin e faturimit dhe pajisjen me nënshkrim elektronik.
- Përgatitje dokumentesh
- Ndjekje e aplikimit
- Mbështetje në shqip dhe anglisht
HAP PAS HAPI
Planifikojmë hapjen, pastaj e zbatojmë hap pas hapi.
Sqarojmë formën ligjore, adresën, aktivitetin, punonjësit, kontratat dhe sistemin për lëshimin e faturave. Mbi këtë strukturë ndërtojmë planin e punës për hapjen.
Përgatisim dokumentet e regjistrimit dhe bëjmë aplikimin. Ju vetëm nënshkruani dokumentet që përgatisim.
Pas konfirmimit, ju pajisim me certifikatën e regjistrimit, NIPT-in dhe ekstraktin e biznesit.
Regjistrojmë llogaritë e biznesit në tatime dhe e-Albania.
Regjistrojmë të vetëpunësuarin ose administratorin dhe punonjësit, sipas strukturës së biznesit. Përgatisim edhe kontratat e punës.
Përgatisim dokumentet për bankën dhe informacionin për verifikimin e klientit (KYC). Ky është zakonisht hapi që kërkon më shumë kohë, veçanërisht për individët e huaj.
Ju pajisim me programin për lëshimin e faturave të biznesit.
Ju ndihmojmë të pajiseni me nënshkrimin elektronik për biznesin.
Person fizik apo Sh.p.k.?
Nisemi nga plani juaj. Ju sqarojmë ndryshimet përpara se të vendosni.
| Pika e nisjes | Çfarë na tregoni | Çfarë sqarojmë bashkë |
|---|---|---|
| Aktiviteti | Çfarë shërbimesh ose produktesh do të ofroni. | Si lidhet aktiviteti me zgjedhjen e formës së biznesit. |
| Personat e përfshirë | Do ta hapni vetëm apo me ortakë? | Si dëshironi të organizoni pronësinë dhe administrimin. |
| Plani juaj | Si synoni ta zhvilloni biznesin. | Çfarë duhet të merrni parasysh për detyrimet dhe organizimin. |
Nuk keni nevojë ta keni zgjedhur formën e biznesit para se të na kontaktoni.
PËR TË FILLUAR
Për të filluar bisedën
Na tregoni këto. Dokumentet e nevojshme i sqarojmë sipas rastit tuaj.
Çfarë aktiviteti planifikoni të nisni
Nëse do ta hapni vetëm apo me ortakë
Nëse keni një adresë për biznesin
Nëse ndodheni në Shqipëri apo jashtë saj
PIVOT TAX
Mbështetja që i duhet biznesit tuaj.
Mbështetja pas hapjes përcaktohet sipas shërbimeve që zgjidhni. Paketat dhe çmimet i gjeni te faqja e çmimeve.
Pyetje para se të filloni
Duhet ta kem zgjedhur formën e biznesit?
Jo. Na tregoni aktivitetin dhe planin tuaj. Ju ndihmojmë të kuptoni zgjedhjet përpara aplikimit.
Nuk kam zyrë. A më ndihmoni me adresën?
Po, ofrojmë adresë virtuale në Tiranë. Sqarojmë nëse ky shërbim i përshtatet aktivitetit tuaj dhe çfarë përfshin.
Jam jashtë Shqipërisë. Si të filloj?
Mund ta fillojmë bisedën online. Mos e planifikoni hapjen si proces tërësisht në distancë. Sqarojmë paraprakisht dokumentet, takimet dhe praninë tuaj përpara se të organizoni udhëtimin.
Kur mund ta nis aktivitetin?
Ju mbajmë të informuar për ecurinë e çdo hapi. Hapja e llogarive bankare është zakonisht pjesa më e gjatë, veçanërisht për individët e huaj. Vendimi dhe koha e shqyrtimit të aplikimit bankar varen nga banka.